Addis Ababs Qasa Dirrik 15 Sanat 2017 (ENA) Benishangul Gumuz Rakaakayak Bambasi Daqaaral 24.5 Miliyoonih Birrit Xissimteh Tan Solar Caylih Cugayso Ayfaf Yacayem Qimmiseenih Yaniinim Qaddoysen. Beenishangul Gumuz Rakaakayak Saqalah Yan Gifta Ashadeli Casan Dooqaysak Taama Qemmisisem Qaddoyse . Prezdenti woo waktil elle qaddoysennal Tama proojekti Jappaan doolatih qokol luk xissiimtem Qaddoysak Taham ayyuntak yaaquben leeh Wadbisso Fayya Haytam Kinnim Qaddoysen .   Bambasi Magaala Kee Dariifal Geytimta Ayyuntah Solar Caylih Ayfaf Kaxxam Faxximtam Kassiise. Tama Xisneh 24.5 miliyoonih birri Awuqenta Abeenim Qaddoysen . Tama Dooqaysol Itiyoppiyal Jappaan Ambasadder Shibata Heroneri Elle Geytimeh Yanim Qaddoysen . Ossotinah Kaaduk Bambaasi Magaalah Xiinisso 22 Miliyoonih Birrit Xisseh Tan Xiinissoh Kalqat Dooqayseenih Yaniinim Qaddoysen . #Ityoppiya #Ityoppiyah_Xaagi_Raceyna #ENA

Addis Ababa Qasa Dirrik 13 Sanat 2017 (ENA) Itiyoppiyak Qaran Merrayti Nayjeeriyak Enugu Akanu Ibiam Baadak Tayyaara Booxa Fanah Abak Sugen Haadiyyi Ilaa Qado Dirrik 28 Sanat 2017 Fanah Soolisem Yiysixxigen. Tayyaara booxal gexsitak geytimta dammiyoh taamak gexxaamah haadiyyi duugumtem qaddosen. Qaran Giti Haadiyyi Duugimih Sababak Maqmilwa Boodeh Yan Taqabi Qafuuta Essere, Ayyunti Rateemah Galil Elle Qadosennalaay Maqmilwa Nagaytaniina Dacrisoonuh Margaqa Beeniim Qaddoysen. Itiyoppiyak Qaran Merrayti Baadak Madruurwa Angaarawih Fanteenal +251 116 179 900 -ityoppiyak qaran giti enuguh maktab +2347033745716, +2349033265850 #Ityoppiyah_Xaagi_Raceyna #ENA #Ityoppiyah #Qaran_Merrayti

  Addis Ababa Qasa Dirrik 13 Sanat 2017 (ENA) Magaalah Xiinissoh Adaama Investmentih Butta Magaalal Buqre Kee Manufakturing Industirih Xisneh Taama Abak Geytimtam Kee Maaqiddi Caabih Caddo Kee Sariino Leh Tan Ayyuntiino Akah Yaynukusen Innah Abak Geytimaanam Qaddoysen. Adama Magaalah Xiinissoh Abba Haylu Jelde Magaalal Maaqiddi Caagiidal Baxaabaxsa le Magaalol Buqreh Taama Akah Aban Innah Abak Geytimaanam Qaddoyse. Adama Investmentih Butta Bicisak Geytimam Buqre kee Bicisiyi Sanaqatah Magaalah Addal Maaqiddi Caabih Dacayri kee Sarimanele Mano Awqenta Yaynukusoonuh Fayya le Caddo Lem Qaddoysen . Investmenti Butta Canti Buqre kee Dorrahi Buqrel Eglaali Bicisak Isini Murtitte Baar luk Qadaagah Akah Xayyoosan Innah Abak Geytimaanam Qaddoysen. Buqre kee Sanaqatah Murtitte Investmentih Butta Addal Bicisak Maqmilwa Fanah Wadbisoonuh Taama Tekkeh, Caalat Bicisanam kee Kabxah Arac Bicisanam Edde Anuk Sabhalal le Qiid Qadaaga Akah Yakkennah Abak Geytimaanam Qaddoysen . 2,900 dagga takke canti laahiiy, dorrahi kee naala murtissoh fanteenaaniiy, maaqoh zeyti murtissoh sanaaqat xisak limoh ossotina katassah tan taqabitte kalaloonuh taamitak geytimaanam xiinisso Qaddoysen. #Ityoppiya #Ityoppiyah_Xaagi_Raceyna #ENA

Addis Ababa Qasa Dirrik 13 Sanat 2017 (ENA) Itiyoppiyak Qaran Merrayti Nayjerik Legos Magaala Fanah Ayyamat 7 Uddur Haadak Sugem Kee Qasa-Dirrik 24 Sanat 2017 Ayymat 14 Uddur Haadelem Kassisen. Tah Abaanam Madrurwah Meqeh Yan Haadiyyi Doorititte Akah Geytannah Abta Taama Axcuk Qaran Merraytih Egla Ayyuntiino Rettimal Tiysixxige.

Addis Ababa Qasa Dirrik 12 Sanat Sanat 2017 (ENA) Rakaakayak Naharsi Saqal Massakaxxa le Cajji Awwal Qarba Galaqli Daqaaral Jibriil Cummad Deqsitah Yan Canka Gaddalih Buqurê Baaxoh Addal Ahak Afal Doolat Ummatta kee Canka Gaddaloolalih Abeh Yan Anxaxin Raatih Taamah Uguugusih Addat Caxaaxuwa Kee Caxammiri Taamaay Rakaakayak Naharsi Saqal Cajji Awwal Qarba kee Kalah Yan Miraacini Daabiseh Yanin Muuz Buqure Maaddeh Tan Caddo wagittaamal Taamâ Gufne Abu Xiqe .   Naharsi Saqal Cajji Awwal Qarba Taamâ Gufneh Aracal Abeh Yan Yaabal Elle Qaddoyseh Yan Innal Doolat Ummatta kee Canka Gaddaloolalih Cattiimak Anxaxin Raatih Taddeeral Abbinoyseenih yanin Taamoomi Awayih Uddur Xaloot Aballayuk Geytimtam Qaddoysak Tama Taddeeral Daabiseenih Yan Coox Faxxima Xalu Akah Geysiisa Innah Katta kee Qokol Taama Akkuk Geytimtam Qaddoyse . Rakaakayak Naharsi Saqal Massakaxxa le Cajji Awwal Qarba Galaqli Daqaarat Abeh Yan Gufnel Daqaar Caddol Akkuk Geytimtah Tan Caxaaxuwa Kee Caxamiri Baarissoh Fanteynat Gufne Abeh Yanim kee Tama Fanteynaani Buqureh Xiina Gibbati Fanteynaanil Yumruteenih Yani Dariyyu Baarisak Gaba Mekelik Awaquk Maaqiddi Kibaalisso Sinnik Diggoysoonu Fayya le Doori Leh Tanim Qaddoyse . Rakaakay Caddol Investmentih Taama Abak Geytimtah Tan Canka Gaddaloolah Doolat Faxxima Qako Abak Geytimah Yan Rakaakayak Naharsi Saqal Cajji Awwal Qarbaay Tama Gufne Aracal Abeh Yan Yaabal Qaddoyse .

Qafa Rakaakayak Fanti Rasuk Awrâ Daqaaral Orobak Geytima Caxa Miri Murti (Muuci)  

Baracle Daqaarak Leele Qaala Awdal akku Geytima Buqree Taamak (ENA)  

Addis Ababa Qasa Dirrik 9 Sanat 2017 (ENA) Sarrimaane Leeh Ummatta Fanteena Abtah tan Anxaxin Tabsa Iyya Ammontal Gexsitak Geytima 2025 P4G Vetnam Koboxul Itiyoppiya Is Abak Raaga Gudgudul Xayyosse. Koboxul Itiyoppiya Inkih Yanih yan Maaqiddi Siiratal Elle Taamitan Karta Bicisak Abtol Asisak Geytimtam Qaddosen Baxsaluk Baaxox baaxo Fanah Gexxa Anxaxin raatih tadderaay,Sirray daddos kee Leemaat xalotitteh Programitte Sarrimaane Le Maaqiddi Siirat Kee Hawa Milaagih Taqabit Annikisse Sinni Buqre Diggossuh Taamiak Geytimtama Basxxaqsen. Tama Gudguduk Lakal Buqre Malak Girma Amante (Dr) Vetnamak Buqre malak Lih Ruddi Daddoosul Sittallih Elle Taamitoonu Xiiqan innal Sittin Gey abeenimi Tama Malaakih Oyti Yascasse.

Addis Ababa Qasa Dirrik 9 Sanat 2017 (ENA) Sarrimaane Leeh Ummatta Fanteena Abtah tan Anxaxin Tabsa Iyya Ammontal Gexsitak Geytima 2025 P4G Vetnam Koboxul Itiyoppiya Is Abak Raaga Gudgudul Xayyosse. Koboxul Itiyoppiya Inkih Yanih yan Maaqiddi Siiratal Elle Taamitan Karta Bicisak Abtol Asisak Geytimtam Qaddosen Baxsaluk Baaxox baaxo Fanah Gexxa Anxaxin raatih tadderaay,Sirray daddos kee Leemaat xalotitteh Programitte Sarrimaane Le Maaqiddi Siirat Kee Hawa Milaagih Taqabit Annikisse Sinni Buqre Diggossuh Taamiak Geytimtama Basxxaqsen.   Tama Gudguduk Lakal Buqre Malak Girma Amante (Dr) Vetnamak Buqre malak Lih Ruddi Daddoosul Sittallih Elle Taamitoonu Xiiqan innal Sittin Gey abeenimi Tama Malaakih Oyti Yascasse.

Addis Ababa Qasa Diriik 9 Sanat 2017 (ENA) Rakaakayak Naharsi Saqal Cajji Awal Qarba Ta Aracal Abeh Yan Yaabal Ni Ayyuntak Maaqiddi Caabi Diggowuh Qembisneh Nan Maaqiddah Takkeh Tan Buqre Daddosih Taamomil Assakat Le Xaloot Abaluk Geytimna Yaanam Iyye.   Qamibaxi Daqaarak Sidiica Faagel Pappaye Buqre Kee Dul Ellaasah Daqaaral Muuz Murti Awayyih Uddur Murti Akak Qadaaga Fan Beyaanamih Taamat Geytimaanam Ciggiilak Cajji Awal Qarba Abeh Yan Yaabal Qaddoyse. Dul Ellaasah Daqar Muuz Buqreh Daddosul Digga Luk Elle Taamitnek Dubuk Qafar Rakaakay Hinnay Baaxoh Caddol Meqe Xali Akak Geytimu Xiqam Nasmitu Xiqne Yaanam Iyye.

Addis Ababa Qasa Dirrik 7 Sanat 2017 (ENA) Naharsi Malaak Abiy Acmad (Dr.) Kee Naharsi Malaakih Buxah Inah Tan Zinashe Tayachew Vetnaam Baaxok Hanoi Magaalat Taama Gufne Abak Geytiman. Naharsi Malaak Abiy Acmad 2025 P4G Veetnaam Daffeynat Aglelem Qaddoyse. Tamakkel Sugen Uddur, Veetnaamak Soolar Caylih Raceenaani Bicissaah, Iro Baaxoh Ruubak Geytimta Toyo Solar Fabrika Gufne Abeloonum Qaddoysen .   Tama Kutbeh Buxah Oyti Elle Yascassennal Tama Kompaani Xayi Udduurih Addat Hawaasah Industirih Parki Culak Itiyoppiyal Taama Qimmisseh Tanim Qaddoysen. Naharsi Malaak Tama Egla Ayro Caylih Raceenah Ossotinah Caylih Raceena Fabrika Xisoonuh Seeco Xayyoyse. Tah Itiyyobiyak Anxaxin Raatih Poliisit Sitaluk Gexxam Kinnimik Osssotinah Caylih Fayxih Raddi Yacoonuh Cato Takkem Duddah Axcuk Yescesen . #Ityoppiyah_Xaagi_Raceyna #ENA #Ityoppiya

Addis Ababa Qasa Dirrik 6 Sanat 2017 (ENA) Gabbi Rasih Caddol Warraye 9 Alsih Addat 24 Alfik Dagah Hektaar Yabquroonuh Ikraarisak 15 Alfih Hektaar Abbinoysanamih Taama Tekkem Qaddoosen. Gabbi Rasuk 9 Daqaar Kee 2 Magaala Xiinissoh Caddol Taama Saamiy , Gaba Makalak Murtisso Fan Kee Mano Gala Addah Haanamih Caddol Tekkeh Tan Taamal Ayyuntta Rakiibo Abak Baxsaluk Dacarsittoh Xiina Garab Buqre Abeenit Fan Milaagoonuh Qembiseenih Yanin Taama warraye 9 alsih Addat Farakka luk Tekkem Gabbi Rasuk Xinto Saqal Gifta Qabdo Qali ETVik Qafar Afih Exxah Yescesse. Gabbi Rasih Caddol Sanat 2017 Mizaaniyatak.9 Alsih addat 24 Alfih Hektaarak Daga Yabquroonuh Ekraarisak 15 Alfih Hektaar Yabqureenimih Taama Tekkem Yescesseh Yan Gifta Qabdo Qali Gabbi Rasuk 2 Daqaaral Yoofeh Yan Baaxoh Angoyyaak Ugutaak Mango Buqre Baaxo Finqa tekkeemih Taagah 3 haytto Rubqi Sanat Ikraarisen Ikraaro Inkih Arac Xagsaanamih Taama Akkewayteemiik Ugutaak Ciggilta Uddural Arac Akah Xagtannah Farakka Luk Taamiteloonum yescesse.   Leeda Parti Taama Saamiiy , Gaba makalak Murtisso Fan Kee Mano Gala Addah Haanamih Caddol Baxsale Afkan Daffeysak Elle Taamitak Geytimtaamih Sabbittih Gabbi Rasih Caddol Ta Sidiica Luddal Katat Kee Lowsis Taama Abak 9 Alsih Addat Qunxaaneyta Baxaabaxsale Luudittel Eglah xisak Taama Saamih Gino Kee Kabxa Caagid Kaadu Baxsalennal Kataatak Mano Addah Haanamih Caddol Assakat Leh Tan Taama Tekkeh Tanim Gabbi Rasuk Leeda Partih K/Buxah Saqal Gifta Abbahabba Cuseen Qaddoose. Buqre Kee Algen Raatih Taddeeral 9 alsih Addat Qembiseenih Yanin Taama Baarisak Ayyunttak Maaqiddi Caabi Diggoysaanamih Taama Fooca Fanah Baarisak Gexeloonum Yescessen. Asaakih Ayro Gabbi Rasih Caddol 9 alsih Addat Tekkeh tan Taamah Abnissoh Gabaaqih Gudgud Awaash Subac Kiiloh Magaalal Gexsenimi Etivik Qafar Afih Exxak Geyne oyti Yascasse.

Addis Ababa Qasa Dirrik 6 Saanat 2017 (ENA) Itiyoppiyak Qaran Merraytih Exxa Jarmanak Hambergil Gexsitte Namma Taddeeral "Afrikak Tayyaarah Meqe Maaqidda Xayyossa Qaran Merraytu" Luddal Acwa BeytemKee Ta Acwa Afrikal Qimboh Tan Er Bas A350-1000 Tayyaara Taceeh Tan Qasriino Le Ayfaafay "Cabin Concept of the Year 2025" Gesissem Yiysixxigen. Ta Acwa Itiyoppiyak Qaran Merraytih Exxa Baad Caddol Aytigexxo Yaallu Xiqsiisam Baxxaqisen. Ta Namma Luddal Hirigen Acwa Germanak Humburgih Magaalal Gexsitemi Itiyoppiyak Qaran Merraytih Egalah Oyti Yascasse.

Addis Ababa Qasa Dirrik 6 2017 (ENA) Tigray Rakaakayak Elle Suga Xiinissoh Pirezdantih Yan Litnan Jeneral Tadesse Werrexe Buqre Ludda Qasriino Bahsiisaanam Kee Qasriinole Murti Akah Yamruten Innah Abaanam Faxximtam Yescessen. Elle Suga Xiinissok Buqre Kee Gino Gaddih Biiro Wagitta Dagorti Lih Cattiimak Bicisseh Tan Buqre Istrateejih Abbinos Ekraaro Wagsiisaak Mekelê Magaalal Walal Gexsen. Tama Gudgudul Yab Abeh Yan Rakaakayak Elle Suga Xiinissoh Pirezdantih Yan Litnal Jeneral Taxesse Werrexe Buqre Luddal Qasriino kee Murti Dadlisoonuh Istraateejik tan Xayoosa Beyaanam Faxximtam Kassiise. Buqre Daddos Agdaabele Akah Yakkennah Away Yan Istraateeji Kee Boolisi Fooca Fanah Akah Gexannah Abaanam Duudumtam Kinnim Kee Toh Kinnuuk Qusba Teknolojitte Osisak Agdaabele Akah Yakkennah Taamitam Faxximtam Kassiise. Tonna kinnuk, Rakaakayak Gino Gaddat Dacrisaanamaay, Qasri Gititte Abak Dadlisaanam Kee Koobaahissoh Angagoyya Abaanam Faxximtam Kassise. Ta Caagidil Bicisen Istraateejik Abnisso Yaybulleenim kee Baxsaluk Barri Ayyuntih Mano Yaysiisoonuh Sitta Lih Taamitaanam Faxximtam Kassiiseeh, Rakaakay Doolat Ta Caagidil Faxxiima Qokol Kee Cato Abelem Kassiise.   Elle suga Xiinissok Buqre Kee Gino Gaddih Biirok Saqalah Yan Dr. Iyasu Abreha Elle Qaddoosennal, Ta Istiraateejih Hangi Dacarsittoh Xiinah Qasriino Kee Murti Fayya Haanam Kinnim Qaddoose. Buqreh luddal qasriino kee murti fayya haanam xiqqimtek baacak yawqeenim kee baxsaluk barri ayyuntih manoh mano yaysiiseenim duudumtam warsen. Amoladi Istraateejik Ikraaro Ardi kee Lee Xinnisoy, Saqi kee Gino Gaddih Daddosiya, Buqreh Satqot Yantifiqenim kinnim Qaddoysen

Addis Ababa Qasa Diririk 1 Sanat 2017 (EN A) Itiyoppiya Kee Awroppah Inkiinoh Egla Sittin Tuxxiq Rakiibo Leh Tan Istraateejik Sittaluk abit Fooca Fanah Diggoysoonuh Taamiteloonum Yiysixxigen. Doolatak Maaliyyah Malaakih Deetah Tan Gifti Samarita Sewasew Awroppah Inkiinok Afa Angaarawih Kutbeh Buxak Qidaddo Kee Baad Caagiidak Ciggiila Naharsi Kutbeh Buxah Saqalah Yan Simon Mordeau Miraacisa Awroppah Inkiinok Fayya Le Mirocti Lih Walal Gexse Tama Walalal Canka Sekteritteh Qidaddo Daddosul, Kabxxa Kee Investimentittel Gabat Agle Osisak Namma Katuk Fanal Yan Sitta Lih Taamitaanam Elle Duudan Caagiidal Hangi Akah Yeceen Innah Abeenih Yaniinim Yiysixxigen.   Tama Milaagi Itiyoppiya Kee Awroppah Inkiinok Sittin Qokolih 50 Heele Sanatih Qaffayda Kee Xayi Udduurih Addat Yekkeh Yan Qusba Sittin Geyik Sittat Angaaraw Lem Kinnim Kee Namma Katuk Sitta Lih Taamitaanam Diggoysoonuh Leh Yan Doori Qaddosse Rakiiboh Daddos Investementih Hangi Akah Yaceen Awroppah Inkiinok "Global Gateway" Uguugus Itiyoppiya Mannal Edde Antifiqimuk Geytimtaamih Caagiidal Walal Gexsen. Doolatak Maaliyyah Malaakih Deetah Tan Gifti Semerita Sewasew Itiyoppiyal Yekkeh Yan Maddur Milaagi Caagiidal Addaffakot Abteeh Tanim kee Ta Milaagu Hangi Kah Yecem Canka Sekteritteh Investimentih Gabat Agle Kee Qidaddo Gabat Agle Dadlisaanam Kinnim Qaddosse. Awroppah Inkiinoh Eglak Iroh Abnisoh Ayfaafay Maddur Kee Baad Caagiidak Ciggiila Naharsi Kutbe Abe Simon Mordu, Awroppah Inkiinoh Egla Itiyoppiya Lih Leh Tan Qokolul Daddos Catottak Sittin Tuxxiiqil Rakuh Tan Sitaluk abit Fanah Miraacisak Geytimam Qaddoose. Namma Katuk Fooca Fanah Istrateejih Fantaaxaw Akah Diggoosan Innah Sittin Geye Abeenim Maaliyyah Malaakih Oyti Yascasse. #Ityoppiya #Ityoppiyah_Xaagi_Raceyna #ENA

Addis Ababa Qado Dirrik 30 Sanat 2017 (ENA) Giriik Investeritte Itiyyoppiyal Geytimta Investementih Saamittet Antifiquk Tama Luddal Akah Yangalen Innah Seeco Xayyosen. Itiyoppiya Kee Giriik Tellemmo Kee Investimentih Gudgud Giriik Baaxok Atensi Magaalal Gexisen. Tama Gudgud Roomul Geytimta Itiyoppiyah Embaasiiy, Giriik Magaalal Geytimta Itiyoppiyah Konsula Kee Giriik Afrikah Kabxah Egla Bicissem Qaddoysen. Tama Gudgudul Itiyoppiya Kee Giriik Afa Caagiidah Malaakih Awlaytit, Baxaabaxsa Le Doolat Missoynaani kee Tonnah Itiyoppiya Kee Giriik Kabxah Eglaali Edde Tengelem Qaddoysen.   Federaalak Afa Caagiidah Malaakih Awlaytah tan Gifti Workaferaw Aklilu, Itiyoppiya Abbinosseh Tan Baaxoh Addah Makro Iqtisad Poolisitte, Iro Baaxoh Investeritteh Bica le Dariifa Gintem Qaddoyse. Tamaha Lih Itiyoppiya Kee Giriik Fanal Kabxxa Kee Investimenti Angaaraw Diggoowuh Doorititte Tanim Qaddoyse. Roomul Geytima Itiyoppiyah Embaasil Missoynah Saqalah Yan Gifta Asseffa Abiy, Itiyoppiya Baar Le Kabxxa Kee Investimenti Saami Lem Kassiisaak, Taturte Sanootah Addat Afrikah Caddol Sissik Qidaddo Dadal Akak Geytimam Qaddoyse. Giriik Kampaanitte Itiyoppiyal Investementi Abak Tama Baaxoh Murtitte Akah Xaamtan Innah Seeco Xayyoose. Tama Gudgudul Itiyoppiyak Investimenti Komishinik Ciggila Komishiner Ato Dagato Kumbe Itiyoppiyal Geytimta Baxaabaxsa Le Investimenti Saamitteey, Tonnah Kaadu Iro Baaxoh Investimentitte Aydukumusaanam Elle Duudan Gaanun Rakiibooy, Gexsititte Kee Uguugusittel Kassiise. Itiyoppiya Kee Giriik Kampaanitteh Fanal Inki-inki Tellemmô Walalal Baaxooxah Fanal Sitta Lih Taamitaanam Diggoysaanam Elle Duudan Sittin Gey Yekkem Roomul Geytimta Ityoppiyah Embaasih Oyti Yascasse. Roomal Geytimta Itiyoppiyah Embaasi Giriik, Sayprus Kee Malta Edde Geytimta. Itiyoppiya kee Giriik Diplomaasih Angaaraw 1917 Qimmissem Oyti Yascasse. #Ityoppiya #Ityoppiyah_Xaagi_Raceyna #ENA

Addis Ababa Qado Dirrik 29 Sanat 2017 (ENA) Itiyoppiya A saaku Taaliyaanal Room Magaalal Qimbisseh Tan Maaqidda Kee Buqreh Eglak Malah Buxak 177 heele Koboxut Angaluk Geytimta. Taaliyal Itiyoppiyah Ambasadder Kee Itiyoppiyak Maaqidda Kee Buqreh Eglaay, Baadak Maaqiddi Taddeera Kee Baadak Buqre Daddoosih Fenxih Maytani Awlaytuh Yan Ambasadder Demitu Hambisa Tama Gudgudut Tengelem Qaddoysen . Ambasadder Demitu Afrikah Baaxooxah Maaqiddi Kibaalissoh Baaxooxah Abak Geytiman Meqe Taama Kee Ta Caagiidal Boodak Geytimta Taqabitte Wagsiisak Afrikah Baaxooxah Migaaqal Yab Abele Axcuk Qambaalan.   Roomul Geytimta Itiyoppiyah Embaasih Oyti Elle Yascassennal, FAO Tama Koboxul Istiraateejih Ikraaroh Walal Kee Afkan Daffeselem Warsen. Tonnah kaadu Baaxooxa Maaqiddi Caagiidal Booddah Tan Taqabitte Kee Calli, Tonnah Kaadu Sissik Udduurih Addat Sissikuk Raddi Yaceenim Xiqqimtam Fayissa. Ta Gudgud Qasa Dirrik 3 Sanat 2017 Fanah Gexsitele Axcuk Qambaalan #Itiyoppiyak Xaagi_Raceena #Itiyoppiyak Xaagi Raceena #Itiyoppiya #FAO

Addis Ababa Qado dirrik 27 Sanat 2017 (ENA) Qafar Rakaakayal Qisô Dirkik Awqe Wayteh Tan Tellemmo Abeenit Kattaatak Ganuun Maaqatta Keenil Akah Gexxannah Abak Geytimaanam Rakaakayak Culenti Biiro Qaddosse. Rakaakayak Culenti Biiro Samara-Logyi Magaalah Xiinissok Logyi Magaalal Qisô Madqah Rammite Waytaah, Qisô Dirkik Awqe-wayteh Tan Kabxaabal Xiinissô Madqa Elle Beenim Culenti Biiroh Saqal Gifta Awwal Qabdu Diggoose.   Rakaakayak Culenti Biirok Na/Saqal Gifta Awwal Qabdu asaakih ayro Loogiyak tellemmi fanteenaanit gufne abeh yan uddur elle yescesseh yan innal Samara-Logya Kee Hawaash Magaalal Sittat 300 Daga Takke madqak Iroh Taamitak Sugte Kabxaabaal Maqatta Beenih yaniinim diggoyse.

Addis Ababa Qado dirrik 25 Sanat 2017 (ENA) Itiyoppiyak Tellemmo Bankik Amolladi lakqo 2.073 Tiriliyoonih Birri gufteh tanim yiysixxigen. Itiyoppiyak Kabxah Bankih Pirezdanti Abe Sanno Tama Banki 8 Alsih Addat Abeh Yan Taama Ummattah Awlaytiitih Malah Buxak Doolat Interpiraayizitte Wagsiisak Maytani Makaadoh Xayyoose. Abe Sanno Gabbaaqul Elle Yescesenal, Caxah Alsak Illacabo 2025, Itiyyobiyak Kabxxah Banki Amoladih Dafeseh Yan Culenti 1.541 Tiriliyoon Birriy, Amoladih Abuud kee Bondi Caagida 1.393 Tiriliyoon Birri kee Amolladi Uwatite 3 Tiriliyoon Birri Maade   Miizaaniyyat Ligidak Qimbol Sanaqata Addal Qadaaga Saami Faximta Xayyos Ascossal Osisanam Xiqeenim Gabbaaqi Qaddosen. Abe Sanno Kaaduk Ta Banki Mizaaniyyat Liggidak Qimboh Addah 8 Alsitteh Addat 264.65 Biliyoonih Birrih Abuud Yecem Kee Tahak Boolul 88.2 Gaba Canka Luddal Yecem Qaddoose. Abe Elle Yescesenal Ta Banki Aysexexeguk Qusba Abuud Qaynatitte Abuud Yaysixigeenim kee Baaxo Xayloh Maaliyyah Gufne Osisoonuh. Itiyoppiyak Kabxxah Bankih Oyti Elle Yascasenal 717,000 Takke Maqmilwa Xijitaal Dooritih Abuud Ayfaf Akah Geytannah Duudeenim Yiysixxigen.

Addis Ababa Qado Dirrik 24 Sanat 2017 (ENA) Itiyoppiya 45 Biliyoonih Xolarak Amo Gadda Luk Afrikal Gaddah Qimbot Tan Baaxo Tekkem Gaddi Fenxih Inistituyut (SWFI) Yiysixxige. Baadal Tonnah 34 haytoh Caddoh Daffeytem Warsen. Itiyoppiyak Qaran Merraytih Kee Itiyoppiyak Tellemmo Bankiy, Itiyoppiyak Kooraan Ayfaf Kee Etiyo-telekom Kee Lalah Raqtah Tan Xisoosa Mango Xolootitte Geysiisak Itiyoppiya Awaih Uddur Afrikal Mango Gadda Tedre Baaxoh Geytimtam Baxxaqen.