23 Ximmo 4 Biliyoonih Birriik Dagah Culenta Geyeenim Baddi Merraytu Kee Lojistikis Qaddosse - ENA Qafar Afa
23 Ximmo 4 Biliyoonih Birriik Dagah Culenta Geyeenim Baddi Merraytu Kee Lojistikis Qaddosse
Addis Ababa, Agda-Baxissok 21, 2016 (ENA) Mizaaniyyat Liggidal 6 Alsih Addat 23 Ximmo 45 Biliyoonih Birrih Culenta Geyeenim Itiyoppiyak Baddi Merraytu Kee Lojistikis Qaddosse.
Baddi Merraytu Kee Lojistikisi Garab Sanatih Imraaroh Abnissoh Kusaqa Abak Geytiman.
Tama Kusaaqal Tatre 6 Alsih Addat Opireshiniiy, Faynashal Kee Kappital Pirojektitteh Ikraaroh Abnissol Walal Aben.
Garab Sanatal Anolladih Eglak Opireshin Ayfaafih Qadad 2 Miliyoonuuy 544 Alfiiy 810 Toon Gufsoonuh Ikraarisak, 3 Miliyoonuuy 674 Alfiiy 242 Toon Gufseenim Qaddowte.
Tonnah Faynashal Abnissol 23 Ximmo 45 Buliyoonih Birrih Culenta Kee Qisok Naharal 3 Ximmo 26 Biliyoonih Birrih Xeef Akak Geyeenim Yiysixxigen.
Tama Kusaq Uxih Kalah Taamah Kusaaqitte Akkelem Baddi Merraytu Kee Lojistikis Oyti Yascasse.
Itiyoppiya Leh Yan Gadda Gersi Baaxoh Kurtah Tan Wak, Teetik Fulah Raqtam Akke Waytam Ascassuuk, Sitta Lih Dadalaanam Cuggaane Baaxooxa Lih Abbinossaamih Fayxi Kinnim Qaddoose.
Cuggaane Baaxooxah, Saytun Maqab Lee Kee Enerji Caylih Xayyoosiyyal Abak Geytimta Abto Ahak Mayballak Teyna Kinnih Tanim Yescesse.
Ceelall8h Addigallaak-Jabuuti Pirojektih Katuk, Itiyoppiyak Kulli Ayro 100 Alfih Meetir Kiyubikik Daga Takke Saytun Maqab Lee Jabuutih Xayyossuh Taamitak Geytimtam Yiysixxige.
Aham Kaaduk, Itiyoppiya Leh Tan Gadda Cuggaane Baaxooxa Lih Kurrasitak Tantiffiqimem Taybulleh Tan Abto Kinnim Qaddoose.
Tahat Axawah Anuk, Somaliyah Katuk, Saytun Maqab Lee Kee Kooran Caylih Xayyoosiyyah, Itiyoppiyak Geytaamih Fayxi Leh Tanim Kassiise.
Itiyoppiyah Katuk, Tama Fayxi Raddi Yaceenim Elle Duudan Bicitte Abak Geytimaanam Yiysixxige.
Saytun Maqab Leh Cuggauso Ossetinah Baxaabaxsa Le Daddos Langittel, Itiyoppiya Cuggaane Baaxooxa Lih Taamittama, Cuggaaneh Tan Ummattah Fantaaxaw Diggossam Kee Dariifa Daddoosih Fantaaxaw Kee Sittin Qokol Maqarrossah, Kaxxa Tuxxiq Le Abto Kinnim Yescesse.
Itiyoppiya Cuggaane Baaxooxa Lih Leh Tan Dippilomaasih Angaaraw, Sittin Qokol Kee Yeceenih Harigaanamih Gexsitil Rakiibo Abtam Kinnim Tama Malak Fana Birodkasting Korporeetih Qaddoose.