Buni Murtih Ossoonuh Tekkeh Tan Milaagi Taamoomuk Ugutak Bunak Afa Baaxoh Tellemoh Culenti Fayya Iyye " Reedonu

Addis Ababa  Ciggilta kudok 14 Sanat 2017 (ENA) 

Itiyoppiyak Buna Kee Shaahih Reedon  Elle Qaddoysennal Buni Murtisso Fayya Hoonuh Akkuk Geytimta Taamak Ugut Abak Bunak Afa Qadaagak Geytima Culenti Udduruk Uddur Fayya Axcuk Geytimam Qaddoyse ።  

Ta Reedon  Elle Yescesenal Anxaxin Raata Tadeera Buni Coox Daddosih Xalootu Fayya  le Doori Digirak Geytimam Qaddoysen ። 

 

Itiyyobiyak Buna kee Shaahi Reedenok  Cigila Naharsi Saqal kee Qadaaga Daddosih Exxa Saqal Shafi Qumar ENA Elle Qaddosennal Baxsa luk Sanat 2013 Qimbisak Buna  Iro Baaxoh Fan Ruubaanamih Tellemmok  Ta Luddal Takkeh Tan Riformi Taamoomih Sababah  Culenti Caddook Caddol Fayya Axcuk Geytimam Qaddoyse ። 

Ahak Afal Itiyoppiya Rubtah  Tan Bunih Qadad 20 Sanatih Addat Dibuk 75 Alfih Sugem Qaddoysak Awayih Uddur 100Alfih Toon Osisuh Affara Sanat Dibuk Kak Beytem Qaddoyse ። 

Tatre Sanat 298 Alfih Ton Takke Buna Afa Baaxo Ruubak 1.43 Bilyoonih Dollaar Akah Culsa Innah Ikraariseenih Yaniinim Kee Ta Sanat 400 Alfih Ton Fanah Fayya Haanam Kee 2 Bilyoonih Dollaarak Daga Akah Culusan Innah Ikraariseenih Yaniinim Qaddoyse ። 

 

Taturte Koona Alsih Addat 117 Alfih Toni Buun Iro Baaxo Ruboonuh Ikraariseenih Sugeenim kee 178 Alfih Toniik Dagga Arac Xagtam Xiqqimtem kee Tahak Addak 797 Milyoonih Dolaar Geytem kinnim Qaddoyse ። 

Doolat bunuh teceeh tan hangiiy, ta luddal akkuk geytimtah tan riformi taamoomi kaxxa doori digirtem Qaddoyse ። 

Naharsi Malaak Abiy Acmad (Dr.) Qimmise Anxaxin  Raatih  Tadeera Buni Daabissoh Daddoosih Elle Yaaxigen Inal Kaxxa Doori Digirak Geytimam Qaddoyse ። 

Buun Murtusaanam kee Iro Baaxo Ruubak Ixxima Kee Maxxatal Buna Baar Le Caddol Dabsaanam, Raagte Buun Yargiqeenim Kee Baarisen Qadaagitiyyi Silsilatih Uxxuk Bisoheele Axcuk Yasmiteenimi.