Gabbi Rasul Saay Malah Buxah Xisne Tekke. - ENA Qafar Afa
Gabbi Rasul Saay Malah Buxah Xisne Tekke.
Addis Ababa Qasa Diriik 7 Sanat 2017 (ENA)
Qafar Rakaakayak Gabbi Rasul Saay Malah Buxah Xisanamih Taama Tekke.
Qafar Rakaakayal Sarrimaane le Salaam Diggoysoonuh Baxsaluk Rakaakay Caddol Kontorobaandiy, Ummatta Kee Ummattah Angaaraw, Cugaane Rakaakayitte kee Cugaane Baaxoxal Diggoysak Kalalonuh Saay Malah Buxaaxi Rasite Caddol Xisaanam Kaxxa Doori Lem Qafar Rakaakayak Ciggiila Prezxaantih Bilhadal Meqe Xiinissoh Kilaatarih Koobahisey , Daddos Fanteenanih Reedonih Saqal Gifta Acmad Cuseen Yescesse.
Awday , Daqar Kee Rasul Qagaqagitak Uguttah Tan Taqabite Rakakaay Fan Gexekal Uxxuk Calli Akah Geytannah Abaanam Rasi Caddol Xissimteh tan Malah Buxak Kaxxa Taama Qambalsimttam Gifta Acamd Cuseen Qaddoose.
Kulli Daqooritil Ayyunttal Mano Gala Fayya Akah Intanah , Abtan Tan Dagorti Lowsisanamih Taamay , Dariifal Kaadu Gaanun Daga Raq Diggoysanamay , Cugaane Rakaakayite Le Gambik Ugutan Tan Boodite Kee Federaal Kee Rakaakay Fanteenanit Takkeh Rado Kalalonuh Xissimteh Tan Say Malah Buxa Baxsaluk Elle Taamitah Tan Luddite Kinnim Rakaakayak Saay Kee Salaam Biirok C/Saqal Gifta Cuseen Macammad Yescesse.
Gabbi Rasih Caddol Saay Kee Salaam Caddol Takkeh Tan Taama Xigga Luk Taamitonuh Kee Qagaaqagitak Uguttah Tan Saay Taqbite Sittta Lih Kalalonuh Xiseenih Yanin Malah Buxa Rakaakay Caddol Xissimte Malah Buxa Le Gamibik Yacen Afkan Rakiibo Abak Taamtelonuh Gabbi rasuk Xintto Saqal Qabdo Qali Qaddoose.
Tá Saay Malah Buxa Rasi Saqal Kobaahisak , Rasuk Saay kee Salaam k/Buxay , Leeda K/Buxay , Culekalay , Rasuk Poolis K/Buxay, Daqaraak Xintto Kee Saay kee Salaam K/Buxay , Daqaarak Poolis K/Buxa kee Rasi Caddol Geytimtta Fedeeral Poolisiy , Kalali Qandey, Gumruuk Koomishin Kee Wagtah Yan Dagorti Adoytitih Gacak Sitta lih Taamitanam Yescessen.
Xissimteh Tan Saay Malah Buxa Alsak Addat Namma Adda Walal Gudgud Gexisak Rasi Caddol Saay Kee Salaam Caagida Sarrimaane Gurral Diggoysonuh Kee Addah Kaadu Ta Saay Malah Buxa Daqar Kee Awda Caddol Ayyuntti Dagorti Adoytitih Edde Asgaluk Taamitelonum Yescessen.