Kalali Qande Kee Qafar Ummattah Fantaaraw Akah Xiggowanah Xigga Luk Taamitanam Faxximttam Yescessen. - ENA Qafar Afa
Kalali Qande Kee Qafar Ummattah Fantaaraw Akah Xiggowanah Xigga Luk Taamitanam Faxximttam Yescessen.
Addis Ababa Qasa Dirrik 7 Sanat 2017 (ENA)
Gabbi Rasuk Qammih Baxi Daqar Kee Warar Qadobtoli Magaalah Xiinissol Kalali Qande Kee Dariifa Ayyunttih Fantaaraw Xiggoysonuh Walal Gudgud Gexsen.
Ta Walalih Gudgudul Rakakayak Fayyale Taama Saqoltiy, Kalali Qandek Fayyale Saqoltiy , Rasuy , Daqar Miraacinnuy , Kedoh Abbobti Kee Baaxoh Idoola Edde Yengelen.
Kalali Qande Gabbi Rasih Caddol Tubaritto Buxaaxih Xisney , Maqub Leey , Barri Gita Kee Gexsi Ayyunttino Taamomil Ayyuntta Lih Taamitak Geytimttam Ciggila Prezxaantih Bilhadal Meqe Xiinisso Kilaastarih Kobaahisey , Daddos Fantenanaih Reedonih Saqal Gifta Acmad Cuseen Qaddoose.
Kalali Qande Baaxo Konnabnah Abtah Tan Taamak Gambit Qafar Ummattah Abtah Tan Qokol Macsabat Haak Qafar le Gambik Qaagitaanah Yanin Qokol Ayyuntta Lih Gacak xiggoysanam Daqar Kee Rasi Miraacinnuk Qambalsimttam Gifta Acmad Cuseen Yescesse.
Kalali Qande Madabiino Taamak Gambit Dariifah Ayyunttah Abak Temeeteh Tan Qokol Xiggoysak Gexelonum Kalali Qandek Aydakaakan Kee Baritto Luddih Saqal Letenaal Generaal Yimar Makonin Yescesse.
Kalali Qandeh Abanah Yanin Qokol Qafar Rakaayak Naharsi Saqal Cajji Awwal Qarba Yeceh Yan Afkanak Ugutaak Ummattah Tuxxiq Macsabat Haak Tonnah Kaadu Kalali Qande leh Tan Esserorah Sissik Calli Acayuk Rasu Kee Daqar Miraacinni Xigga Luk Akah Taamitaninah Afkanay Yecenim Etivik Qafar Afih Exxah Oyti Yascasse.