Qafar Rakaakayak taama miraaciinih instituut kee Qafar agatih rakaakayih doolatak magaala daddos kee xisne biiro sittalih gacak inkih yan magaalol xinissoosah miraaciinuh aydakaakan acayuk geytiman.

Addis Ababa Qasa Dirrik 12 Sanat 2017 (ENA) 

Qafarak taama miraaciinih instituut kee Qafar agatih rakaakayih doolatak magaala daddos kee xisne biiro sittalih gacak inkih yan magaalol xinissoosah Ayfaf mattacooy, Gaddi gaaboysooy, Taama saamih gino kee Magaala miraaciinu wagittaamal aydakaakan acayuk geytiman. 

Ta aydakaakan taturte widdiiral yekkeh sugeh yan  kusaaqal yumbulluyeh yan taqabi fanteena abak yantacawweh yan aydakaakan  kinnih tanim kee baxsaluk magaalol xinissoosah caddol ayfaf mattaco kee gaddi gaaboysol yambulluyeh yan taqabi wagsiisak biceh yan aydakaakan kinnuuk tonnah taama saamih gino kee magaala miraaciinul kaxxa taqabi ambulluyuk geytimamih taagah  tah elle raaqisaanam xiqan cogdal missooweh yan aydakaakan kinnih tanim qaddoysen. 

 

Ta aracal geytinteh tanim leeda missoynak qafar rakaakayih luddih kutbeh buxak xisne langih saqal massakaxxa le Gifta Macammad Acmad Qaliiy, Qa/Ag/ra/do/ magaala daddos kee xisne biiroh saqal Gifta Acmad Nuur Salim kee kalah fayya le miraaciini elle geytime. 

Ta aydakaakanay amcawwuk geytimah yani miraciini aydakaakan beenik lakal geenih yanin barittot dooqaysimak sinnih elle yaniinih yanin madabittel macalak xalul rakuh tan tamoomi abbinoysaanam faxxintam tahallih kasiisak aydakaakan sittal lakleh namma ayroh gideh gexsite lem tahallih qaddoysen.