Qafar Rakaakayak Sadar Ayfaf kee Sahdayti Gaddih Daddoosih biiro Rakaakay maktabittek Tewqe mihratleelah doolat taama abeenitik taamah abbinoosiyyih qeedaalissoh miracsental aydakaakan gudgud gexisse - ENA Qafar Afa
Qafar Rakaakayak Sadar Ayfaf kee Sahdayti Gaddih Daddoosih biiro Rakaakay maktabittek Tewqe mihratleelah doolat taama abeenitik taamah abbinoosiyyih qeedaalissoh miracsental aydakaakan gudgud gexisse
Addis Ababa Qasa Dirrik 15 Sanat 2017 (ENA)
Ta gudguduk fakkenta abteh tan rakaakayak sadar ayfaf kee sahdayti gaddih daddoosih biirok ciggila saqalah tan Nasro Qudda abte yaabakaay Ta aydakaakanak hadaf doolat taama abeenitih caddol duma sugewayte qeedaalisso rakaakay caddol taama abeenitik qimbisoonuh massoowe qeedaalisso miracsentak ixxiga geyak fooca fanah tanih tan maktabitte kee biirooral abbinoosoonuh ixxiga geyoonu kinnih tanim qaddoose.
Itiyoppiyah caddol dumaak abbinoosak geytiman Taama abeenit qeedalissoh siiratih abnisso nirakaakayih caddol gita aysibixuk abinat akak culoonuh tucubbus uguugus kinnih tanim tiysixcige.
Taama abeenit tayfaafo kee taffaafo fanat yan ayfaf diggoisoonuh taama abeenit elle taamitan innak ixxiga geyoonu kinnim qaddoosse
Taama abeenit loowol keenil yeceen taamak isih is lowsiisak yi taamak maca yokraqteeh maca abbinooseeh axcuk isih is kusaaqisam kee kaal yeceenimil kaa lowsiisoonuh kaxxa tuxxiiqle miracsenta kennim kee abbinoowah yan saaqat meqe taamah xalu geysiisemarah faxcimta caddo yaciinuuy abbinos addah akak iyye taama abeenitih qokol aboonuu yefferimeh usug xiqah gidel addah kaa hoonu kaxxa tuxxiqle miracsenta kinnim qaddosse.
Nirakaakayih caddol taama abeenit qeedaalisso abbinowtuh fayyale miraaciini taamaa tamaa abeenit gabat haak miraaciini caddol dubuh sugte qeedaalisso taama abeenit caddol akah abbinowtannah isinni doorik yawqeenim faxximtam kassisse.