Rakaakayak Qaafiyat Biirok Miraaciinî Makaado Rasitte Caddol Gexseenih Sugen Supervisionik Amô Gacsal Walal Gexsak Maacisen. - ENA Qafar Afa
Rakaakayak Qaafiyat Biirok Miraaciinî Makaado Rasitte Caddol Gexseenih Sugen Supervisionik Amô Gacsal Walal Gexsak Maacisen.
Addis Ababa Qasa Dirrik 15 Sanat 2017 (ENA)
Rakaakayak Qaafiyat Biirok Miraacinî Makaadok Kattat Kee Qokol Ixxoh Rasittê Fan Gexxeh Sugte Miraacinî Makaado Gexeenih Sugen Rasittel Yubleenih Yanin Qaku Kee Gabul Wagsiisak Gabbaaqu Kutbeytah Hayya Heenih Miraaciinî Makaadoh Caddol Xayyooseenik Gamadal Elle Walalak Maaciseenim Tamixxige.
Ta Supervisionik Feedback Ayduma Rasi Miraaciinu Kee Daqar Miraaciinul Aydaaruk Yan Qaku Sissikuk Akah Missoysan Innah Afkan Yomcowweh Sugem Tamixxige.
Tama Supervisionil Gamadal Mangoh Tan Calli Kee Mafdagoogi Tomcowwem Kee Supervisionih Gexxeh Sugte Buttaati Kaadu Yumbulle Taqabi Kattaatak Calli Yaceenimil Kulsale Taamoomi Tekkem Tamixxige.
Tama Aracal Qaafiyat Biiroh Saqal Massakaxxale Yaasin Cabiib Ta Supervision Mango Taqabittey Calli Faxxa Elle Meenxuh Kaxxa Doori Luk Sugeh Yanim Kee Rasi Miraaciinu Kee Daqoorit Miraaciinul Feedback Aydaaruk Tumbulle Taqabitteh Baxsale Hangi Akah Yaceen Innah Absiisenih Yaniinim Kee Uxih Tannale Kattat Kee Qokol Taamoomi Maqarroosak Gexeloonum Qaddoyse.