Magaalichatti hojiiwwan Misoomaa uummaticha fayyadamaa taassisan hojjetamaniiru- kantiibaa Adaanech Abeebee

Ebla 20/2017(TOI)–Magaalichatti hojiin misoomaa kallattii hundaan uummaticha fayyadamaa taasisan karaa milkaa’ina qabuun hojjetamuu isaa  Kantiibaan Magaalaa Finfinnee Adaanech  Abeebee ibsan.

Bulchiinsi Magaala Finfinnee raawwii hojii baatii sagalii gamaggamuu eegalee jira. 

Magaalichatti hojiiwwan kallattii hundaan uummaticha fayyadamaa taasisan milkaa’inaan hojjetamuu isaa saganticha irratti eerameera. 

Kantiiba Adaanech Abeebee  haasaa baninsaa taassisaniin, baatiiwwan saglan darbanitti, hojiiwwan milkaa’oo sakatta’uun ciminoota turan itti fufsiisuuf nigamaaggamama jedhaniiru.

Gamaggama raawwii hojii baatii  ja’aa irratti adda bahanii dub-deebii kennamanii  fi kallattiiwwan kaa’aman irratti hundaa’uun madda komii uummataa kan ta’an  hanqinoota  jiran adda baasuun  gad-fageenyan akka  gamaggamaman ibsaniiru.

Waltajicha irratti baatiiwwan sadan hafanitti karoora keenya karaa guutuu ta’een  milkeessuu kan  dandeessisu irratti  walii galteerra akka gahan ibsaniiru. 

Kanaanis Magaalichatti Baatiiwan Saglan darbanitti, hojiiwwan raawwataman, bu’a qabeessa ta’uu ibsuun kunis jabaatee itti fufa jedhaniiru.

Raawwii karoora baatii sagalii kan dhiheessan Itti gaafatamaan  Biiroo Karooraa fi Misoomaa Magaalichaa Adam Nuurii, raawwiin  walii galaa  dhibbentaa 93 tuqaa 3  ta’uu  dubbataniiru. 

Kenna Tajaajila  Ammayyeesuu  teekinooloojiin hojjechuu fi  haala mijataa naannoo hojii uumuuf hojiin bu’aa qabeessi hojjetamuu ibsaniiru.