Addis Ababa Qasa Dirrik 15 Sanat 2017 (ENA) Rakaakayak Qaafiyat Biirok Miraacinî Makaadok Kattat Kee Qokol Ixxoh Rasittê Fan Gexxeh Sugte Miraacinî Makaado Gexeenih Sugen Rasittel Yubleenih Yanin Qaku Kee Gabul Wagsiisak Gabbaaqu Kutbeytah Hayya Heenih Miraaciinî Makaadoh Caddol Xayyooseenik Gamadal Elle Walalak Maaciseenim Tamixxige. Ta Supervisionik Feedback Ayduma Rasi Miraaciinu Kee Daqar Miraaciinul Aydaaruk Yan Qaku Sissikuk Akah Missoysan Innah Afkan Yomcowweh Sugem Tamixxige. Tama Supervisionil Gamadal Mangoh Tan Calli Kee Mafdagoogi Tomcowwem Kee Supervisionih Gexxeh Sugte Buttaati Kaadu Yumbulle Taqabi Kattaatak Calli Yaceenimil Kulsale Taamoomi Tekkem Tamixxige.   Tama Aracal Qaafiyat Biiroh Saqal Massakaxxale Yaasin Cabiib Ta Supervision Mango Taqabittey Calli Faxxa Elle Meenxuh Kaxxa Doori Luk Sugeh Yanim Kee Rasi Miraaciinu Kee Daqoorit Miraaciinul Feedback Aydaaruk Tumbulle Taqabitteh Baxsale Hangi Akah Yaceen Innah Absiisenih Yaniinim Kee Uxih Tannale Kattat Kee Qokol Taamoomi Maqarroosak Gexeloonum Qaddoyse.

Addis Ababa Qasa Dirrik 15 Sanat 2017 (ENA) Itiyoppiyak Islaaminnâ Caagiidah Daga Raqta Malah Buxa Elle Tiysixxigennal:- Itiyoppiyak Muslimin Qunxaaneytih Malah Buxah Xisneh Qasa Dirrik 26/2017 Caadah Milliniyem Handagal Saaku 2:00 Qimbisak "Qunxaaneyta Aytikumusaanam Beera Xisaanama" Inta Maxcol Gexsitelem Yiysixxige. Itiyoppiyak Muslimin Qunxaaneytih Malah Buxa Xiseloonum Wagsiisak, Daga Raqta Malah Buxak Berezixantih Kutbeh Buxak Saqal Ustaz Abubakar Acmad Elle Qaddosennal, Ta Malah Buxa Itiyoppiyak Muslim Qunxaaneyti Isinni Diini Dacrisoonu Kee Agat Doori Akah Yaysiisen Innah Cato Akkelem Qaddoose. Itiyoppiyak muslimiin Qunxaaneytih Malah Buxah Xisne Caadah Qasa Dirrik 26 Sanat 2017 Mileniyem Handagal saaku 2:00 Qimbisak "Qunxaaneyta Aytikumusaanam Beera Xisna" Inta Maxcol Gexsitelem Warsen. Itiyoppiyak Muslimin Qunxaaneytih Malah Buxak Perezxenti Ustaz Hayder Khedir Yeceh Yan Maybalaalaqal Malah buxah xisne qunxaaneyti angagoyyih caylaay, miraaciino kee ayyunti addal milaagu akah aban innay, tonnah kaadu labbatliinoo kee masquuliyyat cusok ugutak uguugus ayfaf akah yakkennah abaanamih mabla kinnim diggoyse. Ta Malah Buxa Agat Caddol Salaam Kee Daddos Ajenxaaxil Muslimin Qunxaaneytih Gabat Agle Osisoonuh Fayya Lem Yiysixxige. Malah Buxa Xisiyih Tadeera Ayyunti Milaagu kee Daddalah Yeytale Doori Digirta Qunxaneyti Murtisuh Abaanah yanin Macal Fayale Doori Digirele. Ta Qimboh Tadeera Baxaabaxsale Dariifak Temeeteh Tan Tutaaxagoy, Ayyunti Miroctiiy, Abbobti Kee Inah, Tutaaxagooy, Ayyunti Institutionitte Saqoltiiy, Doolat Awlaytit, Duwaay, Sheikh Saqoltiiy, Majlis Saqoltiiy, Qunxaaneytaay, Kee Arcibisen Wagitah Yan Dagorti Edde Angalelem Qaddosen.

Addis Ababa Qasa Dirrik 15 Sanat 2017 (ENA) Itiyoppiya Kee Ruusiya Qaafiyat Luddal Sittallih Elle Taamitoonu Xiiqan Sittin Gey Feera Wara Tabatabsen. Sittin Gey Saytunaaneey,Garciik Boddam Dudda Biyakitte Naharal Elle Kusaqisaanam Kee Sissikuk Akah Kalalan Innih Taamal Namma Baaxoh Fanal Akah Taamitan Innah Sittin Gey Aben.

Addis Ababa Qasa Dirrik 15 Sanat 2017 (ENA) Ta gudguduk fakkenta abteh tan rakaakayak sadar ayfaf kee sahdayti gaddih daddoosih biirok ciggila saqalah tan Nasro Qudda abte yaabakaay Ta aydakaakanak hadaf doolat taama abeenitih caddol duma sugewayte qeedaalisso rakaakay caddol taama abeenitik qimbisoonuh massoowe qeedaalisso miracsentak ixxiga geyak fooca fanah tanih tan maktabitte kee biirooral abbinoosoonuh ixxiga geyoonu kinnih tanim qaddoose. Itiyoppiyah caddol dumaak abbinoosak geytiman Taama abeenit qeedalissoh siiratih abnisso nirakaakayih caddol gita aysibixuk abinat akak culoonuh tucubbus uguugus kinnih tanim tiysixcige.   Taama abeenit tayfaafo kee taffaafo fanat yan ayfaf diggoisoonuh taama abeenit elle taamitan innak ixxiga geyoonu kinnim qaddoosse Taama abeenit loowol keenil yeceen taamak isih is lowsiisak yi taamak maca yokraqteeh maca abbinooseeh axcuk isih is kusaaqisam kee kaal yeceenimil kaa lowsiisoonuh kaxxa tuxxiiqle miracsenta kennim kee abbinoowah yan saaqat meqe taamah xalu geysiisemarah faxcimta caddo yaciinuuy abbinos addah akak iyye taama abeenitih qokol aboonuu yefferimeh usug xiqah gidel addah kaa hoonu kaxxa tuxxiqle miracsenta kinnim qaddosse. Nirakaakayih caddol taama abeenit qeedaalisso abbinowtuh fayyale miraaciini taamaa tamaa abeenit gabat haak miraaciini caddol dubuh sugte qeedaalisso taama abeenit caddol akah abbinowtannah isinni doorik yawqeenim faxximtam kassisse.

Addis Ababa Qasa Dirrik 15 Sanat 2017 (ENA) Baaxo Xisneey, Diggoysiyya Kee Qaxmaqaane Bahasiisanamih Taama Fooca Fanah Akah Gexannah Abaanam Faxximtam Naharsi Malaak Abiy Acmad Qaddoyse. Naharsi Malaak Abiy Acmad (Dr.) Kazanchis Korridor Daddoosih Cuggayso Kimaalih Ayro Dooqayse. Kazantzakis dago alsitteh addat kee A saaku elle geytimeh yan Weelo kaxxa baxsa lem kee manoh Bica Allasinni Caalatih Addat Sugtem Qaddoyse .   Nammeyhaytoh caddoh korridor dadal qimbiseenih Yanim Kazanchis edde anuk. Dagoo Alsitteh Addat Ta Dariifal Geytimeh Yan Xalootul Kaxxa Kaxxiinita Xaloot Kinnim Qaddoysen . Naharsi Malaak Kazanchis Dariifak Uguseenih Yan Ummatta lee Geytimta Dariifat Gufne Abeh Sugem Kassiise. Naharsi malaak elle yescessennal qasriino, milaagu, kee faxe baaxol tanbulle dadal elle baxxaqisan innal. A saaku magaalol kak iyyaanam Anxaxxoo kee saytun magaalol kinnim baxxaqise. Ni baaxo xisaanam kee bilqisaanamih taamaa Fooca Fan Axcelem Qaddoyse . Tahak Ugut Abak Kulli Caddol Mirocti Diggaluk Kee Assakat Le gurral Taamitaanam Faxximtam Kassiise. #Ityoppiya #Ityoppiyah_Xaagi_Raceyna #ENA

Addis AbabaዐQasaDirrik 13 Sanat 2017 (ENA) Saqud Qarabiyal Uma Caalatih Addat Sugte 3285 Takke itiyoppiyah Xaylo Baaxo Fanah Tuduure. Baaxo Fanah Tuduure Marittek 2 Alfi 747 Labhaay, 508 Sayyoy,30 Takkem Qunxa Alaaqa Kinnim Kee Tama Marak 159 Takkem Karmak 18 Santak Guba Yaninim Kassisen. 4 Heele udduruh Uma Weeloh Addat suge Mara Gaciseenih Yaninim Kee Ila Aham Fanah 18 Alfi 969 Takke Itiyoppiyah Xaylo Baaxo Fanah Gacseenim Kassisen.

Addis AbabavQasavDirrik 12 Sanat 2017 (ENA) Ni rakaakay milaaguuk lakal geeh yan salaam kee saayaay, meqe migaq digga luk daccarsimuuy milaagi faydoodi nagay maqarroowak ummattâ manfaqat diggoowuh saay malah buxah kaxxa doori lem yescesseh yan Rakaakay Doolatak Angaaraw Biirok Naharsi saqal Gifta Macammad Qali Biqdo ekraarok ugut le taamoomi akah takke inna kinnih tanim qaddoyse.   Baaxooy, rakaakay kee dariifal saay kee salaam dacayri maqarrowtuh ummattâ gabah assagollal tayse taama takku kinnih tanim qaddoyseh yan Gifta Macammad Qali Biqdo carri rasih xintoh caddol xiseenih yanin saay malah buxa ekraarok ugut le taama abelem yescessem Angaaraw biiroh Oyti yascasse.

LAddis Ababa Qasa Dirrik 12 Sanat 2017 ( ENA) Naharsi Malaakih buxah iná gifti Zinnash Tayyachew Faasika Qaffayda Wagsiisak 100 gaba bahta Alaaqa kee naharsi malaakih buxah iná xisseh zawxitu Alaaqâ dadalisiyyih fanteenal tanih tan alaaqah Maaqidda keefte. Ta alaaqa naharsi malaakih buxah inà gifiti Zinnash Tayyachew ken lih sugteh tan uddur Firenxi Shipih Parkil Wacaysirit tatruseenim yiysixxigen.

Ciggiila Naharsi Malaakih Bilhadal Dimokraasih Siiratih Xisneh Fanteenah Saqalaay, Leedâ Missoynak Ciggiila Saqal Adam Faarac Koros Diini Katayta Maritteh Faasika Qaffaydah Unkaqiino Farmo Tatruse

Naharsi Malaak Dr Abiy Acmad Faasigah Qaffaydah Unkaqiino Farmo Tatruse  

Addis Ababa Qasa Diriik 11 Sanat 2017 (ENA) Tam Gudgudut Goliinâ Daqaarak Saqalah Yan Gifta Qali Mujaahidiy, Qaafiyat Biirok Dalka Kalalih Xayrekterih Yan Gifta Acmaxaabaxsale Ayyunti Exxaaxi Edde Tengeleh Tamixxige.   Ta Gudguduk Lafale Hadaf Ummatta Yaakibe Kalali Taamoomi Abak Qaso Dalkak Mannal Isi Kalaltam Faxximtam Barsaanam Kee Kalali Taamoomil Sitta Luk Cattiimak Elle Tamitan Gurral Walalaanam Kinnim Tamixxige. Qaso Baysaanam yok Qimbimta

Addis Ababa Qasa Dirrik 11 Sanat 2017 (ENA) Pirezdanti Taye Atsekeslassie Faasikah Qaffayda Wagsiisak Unkaqiino Farmo Tatruse. Perezixanti Taye Atsekeslassie, Isi Facebookih Galil Tatruseh Yan Farmol, Kulli Numuh Meqe Faasikah Qaffayda Qaagita Axcuk Qaddoyse . #Ityoppiya #Ityoppiyah_Xaagi_Raceyna #ENA

Addis Ababa Qasa Dirrik 10 Sanat 2017 (ENA) Itiyoppiyak Federaalak Poolis Yamaate Faasikah Qiid Wagsiisak Inaytah Tan Magaalal Geytimta Dago Culenta Le Ayyuntah Maaqiddi Qokol Abtem Qaddoysen. Itiyoppiyak Federaalak Pooliisih Baatil Kalalih Xayrekterih Amriseyna Yan Ciggila Komishiner Jeneral Melaku Fanta Elle Qaddosennal Federaalak Poolis Baaxoh Addal Sarrimaneh Yan Salaam Akah Yakkennah Bar Kee Ayro Taamitak Geytimtam Kee Inkih Tan Itiyoppiyah Daddos Akah Yakkennah Abak Geytiman Daddos Taamal Isi Doori Digirak Geytimtam Qaddoyse.   Baaxok Salaam Kee Nagayna Dacrisaanamak Kalah Poolis Kaadu Ayyuntiinoo Kee Qidaddo Milaagih Dacayrih Taamoomit Gabah Assagolla Abak Geytimtam Qaddoyse. A saaku faasikah qiid wagsiisak federaalak poolis mirocti kee adoytit Arada footimah magaalal Ayyunti adoytiitih maqiddi Qokol Abeenim Qaddoyse . Arada Magaalah Footimah Saqalah Yan Gifta Getahun Abera Isi Kabuk Itiyoppiyak Federaalak Poolis Dago Culenta Kee Qawwalaylah Uddur Ayyunti Dariifah Abak Geytimta Qokoluh Gadda Gacse.   #Ityoppiya #Ityoppiyah_Xaagi_Raceyna #ENA

Addis Ababa Qasa Dirrik 9 Sanat 201(ENA) Addis Ababah Kooperaatih Komishin Fasikah Waynaboh Cadok Inki Kiilo 460 Ilaa 520 Birrih Xayyooselem Yiysixxige. Addis Ababak Kooperaatih Komishinik Komishiner Leelti Gedei Elle Qaddosennal, Fasikah Qiidih Inki Kiilo Cadok Dago Culenta Dago Ayyuntah 460 Ila 520 Birrih Xayyoowelem Tiysixxige. Inki Kiilo Cadok Xayosanam 460 Ila 520 Birrih Maxxat Dacrisak Dago Culentale Ayyunti Qaffaydat Rufto Akah Yallennah Catelem Tiysixxige. Magaalal 239 takke koobaahissoh eglaali tan kee Tama Cadô Qarwal Cadok Inki Kiiloh Melleb 460 Ilaa 520 Birri Fanah Akah Yakkennah Innah Abeenih Yaniinim Qaddoosen. Lowsis kee kattaatay limo diggoosak ayyuntah xayyoose loonum yiysixxigen. Ayyunti Wacaysir Aroocal Maaqiddi Aracak Ossotinah Cado Kee Saqi Murtitte Xayyooseloonum yiysixxigen.

Addis Ababa Qasa Dirrik 9 Sanat 2017 (ENA) Logiyi footimak poolis kutbeh buxa Logiyi magaalak 2hayto caddoh barittoh buxah Barteenitih Barttoh Buxal Geytimak Barteenitih Tu Ced Hangisso Yecenimih Taama Tekke. Logiyi footimak poolis kutbeh buxah saqalah yan E/caba saajiin Qeebile casan elle Qaddoysennal Barteenitih (community policing) ummatta fanteena Abta baatil kalalih Taamaa kee Taraafik qawwalaylah kalalu wagittaamal Fidin Baritto Tomcowwem Qaddose.   Barteenit Barittoh Gexaanah baritto Buxak yadarenwak Gitak Namma Qaxa Wagita Gexaanam Elle Faxximtnna Kee Makaayin Qawwalaylak Isinni Akah Catan innah Poolis Kee Catta Poolis (Community Policing) Ummatta Fanteena Abta Tan Baatil Kalalih Taama Kee Qawwalayla kalaih Taama Wagittamal Tu Ced Yemnewwem Rakakayak Poolish Komishinih Uwwayti Yascasse

Hanoy Koboxu Daggowtaway Faxximah Yan Aglele P4G Projekti Tuxxiq Leh Yan Xaloot Geysiiselem Kee dadlisoonuh Kaxxah yan dudda Lemi Yubluuse. Itiyoppiyal 2027 Gexsituwah Yan Konoy Heele P4G Kobox Gexsiisuh Warakat Hirignemih kaxxa Mariino Teetih Tantabbe Ta Saamit Meqennal Antiquk Konnabnal Abbixuk Veytenamaay,Kolombiya,Xiin Marki Kee Kuuriyal Tumbulle xalootle Bici Nagra edde Osisak daffesenno. Sittin Qokoluuy,Ginooy,Agle Kee Abto Le Akak Iyyen P4G Gexsitit Gexsitak Itiyoppiya 2027 Koboxu Anxaxin Indystrih daddosuuy,hawa Milaaguh Gaba Ace Sinni Buqreey Tonnah Qunxaaneyta Kee Sayyo Gufusak Faxximah yan Orbal Bicisuh Hangi Acayuk Bicsele.

Addis Ababa Qasa Dirrik 9 Sanat 2017 (ENA) Wakti Elle Tatreh Yan Karamellaay, Alaaqá Canay, Sanchisiy, Tonnah Kaadu Dagar Gablussa Malabitte Edde Anuk Mango Uwwaytitte Lowsiisoonu Duudeenim Tamixxige. Tonnah Kaadu Kosmetikisil Limmoysaanah Yanin Dagaral Duuganah Yanin Kibaatitte Kee Dagar Saabuna Edde Anuk Mango Uwwaytitte Lowsiisit Heenih Yaniinim Kee Ummatta Faxe Uwwayti Xaamtah Tan Way Expire data Akak Wagittam Faxximtam Qaafiyat Biirok Regratoori Xaykrekterih Tan Gifti Asiya Nuur Kasisse.   Tonnah Kaadu Ta Makmok Maaqaboh Uwwaytitte Elle Lowsiiseenim Samaray, Loogiyay, Aysaqiita Kee Dubti Magaala Kinnim Tamixxige, Qagitaak Kaadu Abqaalâ Magaalal Dayli Fanteenaanil Sittat 200 Alfik Amo Takke Lakqoh Tawqe Baxaabaxsale Gaanunuk Iroh Culte Wakti Elle Tatre Dawaata Lowsiisoonu Duudenim Tamixxigem Qaafiyat Biiroh Oyti Yascasse

Addis Ababa Qasa Dirrik 8 Sanat 2017 (ENA) Oromiyah Rakakayak Asqassabe Karawwadak Ummatta Gabah Agleh K/buxa Leeda Partik Oromiyah Rakakakayih Ku/Buxak Sayyo Ludda Luk Cattimak Kulli caddol Tan Sayyo Gabah Agle Edde Hayta Bonxi Xaamiyyih Uguugus Qimbisen. Ku/Buxa Direktar Gifti Konjit Bekkele Elle Tescessennaha Oromiyah Rakaakayal Asqassabe Karawwad Qimbisenim Kee Takkehi Ummatta Bonxi Xaamiyya Kee Qado Lakqo Yaceenimih Caddo Mango Taama Abak Yemeetem Qaddosse.   Tahala Taturte Sanootah Addata Rakaakay Ummatta Bonxi Xaamiyyih Qokoluh 9 Ximmoy 6 Billiyonih Birrik Daga Takke Lakqo Karawwad Xisneh Yeceenimi Kassisse. Asanootah Addat Karawwad Gaba Akah Kalannih Uguugusuh Ilaa Tamaate Alsittek Illicabo Fanah 500 Milliyonih Birri Gabosoonuh Taamitak Geytimanam Qaddosse.

Addis Ababa Qasa Dirrik 6 Sanat 2017 (ENA) Tama Fanteenal Geytimta Ummatta Geytah Tan Qaafiyat Ayfaafitte Maca Celtaamay Baxsaluk Inonti Kee Alaaqay Baxsale Hangi Faxxa Yaceenih Yanin Ayfaaf Maca Ceelam Wagitaanam Tekke. Tonnah Kaadu Tama Fanteenal Dayli Ayfaf Tacee Daylaaba Luk Walalak Faxximma Inta Dawaata Kee Qaafiyat Silaacittek Maca Keenik Tanskusem Kee Maca Keenih Faxximtaamal Walalak Faxximma Inta Dawaata Keenih Kibbiimelek Keenih Warisak Yaceenih Yanin Ayfaf Maqarroosak Akah Gexan Innah Afkan Keenih Yomcowwem Qaafiyat Biiroh Oyti Yaacasse.

Addis Ababa Qasa Dirrik 6 Sanat 2017 (ENA) Sidoc Heele Afrikah Welding Federeeshin Ligidi Daffeyna Kee Baad Caddoh Konferensi Addis Ababal Qimbisse. 16 Takke Afrikah Baaxooxa Edde Angaluk Geytimta Tama Konferensi A saakuuk Xabba Haanam Ila Qado Dirrik 8 Sanat 2017 Fanah Gexsitele Axcuk Qambaalan. Ta Konferensi "Afrika Aytikumusaanam: Rakaakay Angaaraw Kee Baad Caddol Qalayli Gammi Dudda Maqarroosaanam" Inta Mabla Gubat Gexsitele. Tama Konferensi Taama Kee Duddi Malaak kee Metteebanni Mihrat Aydakaakanih Inistituyu, Kee Afrikak Welding Federeshin Sitta Lih Bicisen. Tama Konferensil Lee Kee Enerjih Malaakah Yan Habtamu Ittefa (Dr.), Afrikak Welding Federeeshin Pirezdantih Yan Profeser Macammad Qabdel-Alim, Taama Kee Duddi Malaakih Deeta Teshele Berrecha (Dr.), Metteebanni Kee Mihratleela Aydakaakanih Dayrekterih Yan Dr. Brooke, Kedir. Baxaabaxsa le Afrikah baaxooxa Temeete Dagorti Edde Tenglem Qaddoysen. Ta koboxul Gabla Mihratiino Wagittaamal Baxaabaxsa le Kusaq Warkat Xayyoowak Walal Abeloonum Yiysixxigen. Taqabi yafdigoonuh teknoloojih fidgaagiiy, abak raag tabaatabsaanam kee fantaaxaw ginaanamih gudgud akkelem yiysixxigen. Ta Tadeera 16 Takke Afrikah Baaxooxak Tewqeh Tan 43 Takke Weldingih Mihratleela Edde Angalelem Yiysixxigen. Afrikah Welxih Federeshin Ta Qarangubal Ta Luddal Geytimta Taqabitte Baxisaanam Kee Afdiguk Tonnah Ta Luddal Taamitak Geytimta Taama Aydukumusaanam Kee Baarisaanam Hadaf Luk Xissimte. #Ityoppiya #Ityoppiyah_Xaagi_Raceyna #ENA