Ebla 18/2017(TOI)- Itiyoophiyaan adeemsa miseensa dhaabbata daldala addunyaa ta’uuf itti jirtu A.L.A Bitootessa 2016tti xumuruuf kutannoon hojjechaa jirti de’etaan ministira maallaqaa Dr. Iyyoob Takkaaliny ibsan. Itiyoophiyaa fi Uzbeekistaan walgahii baatii birraa kan waggaa garee baankii addunyaa fi dhaabbata maallaqaa idil addunyaa Waashiingiteen Diisiitti adeemsifamaa jiru cinaatti miseensummaa dhaabbata daldalaa addunyaa ilaalchisee marii sadarkaa olaanaa taasisaniiru. Mariin kanagaree baankii addunyaa fi dhaabbata maallaqaa addunyaatu walta’uun qopheesse. Daarektarri olaanaa dhaabbata daldala addunyaa Nigoozii Okonjo-Iiwiilaa, baankii addunyaatti itti aanaan pirezidaantii riijinii Afriikaa bahaa fi kibbaa Nidyaamee Diiyop fi daarektarri itti aanaa tarsiimoo Keen Kaang waltajjicharratti hirmaataniiru. De’etaan ministiraa Dr. Iyyoob Itiyoophiyaan walgahii ministirootaa dhaabbata daldala addunyaa 14ffaa A.L.A Bittootessa bara 2026 Kaameeroon Yaawundeetti taa’amurratti adeemsa miseensummaa xumuruuf cimtee akka hojjettu ibsaniiru. Daarektarri olaanaa dhaabbata daldala addunyaa Nigoozii Okonjo-Iiwiilaa waa’ee miseensummaa Itiyoophiyaa fi Uzbeekiistaan akka si’atu dhaabbileen biyyoota hedduu fi deeggartoonni gamlamee deeggarsa teekinikaa fi gabbisa dandeettii barbaachisu akka taasisan waamicha godhaniiru. Hirmaattonni walgahichaa Itiyoophiyaan seera hordoftee qaama sirna daldala addunyaa ta’uuf kutannoo agarsiifte dinqisiifachuun guutummaatti akka deeggaran ibsuusaanii odeffannoon ministeera maallaqaa nimul’isa.

Bara kana dinagdeen walii gala akkaataa karoorfameen dhibbantaa 8 tuqaa 4n akka guddatu hojii raawwachiisaan kun qorateera. Qonni dhibbantaa 6 tuqaa 1, Industiriin dhibbantaa 12 tuqaa 8, Maanuufaakchariingiin dhibbantaa 12n, Konistiraakshiniin dhibbantaa 12 tuqaa 3n, Tajaajilli dhibbantaa7 tuqaa 1’n kan guddatan ta’uun qoratameera. Baatii sagal darban Galiin mootummaa waliigalaa kan bardheengaddaa yeroo walfakkaataan walbira yoo qabamu dhibbantaa 134n caala. Liqiin alaa qoonni oomisha dimshaashaa biyya keessaa dhibbantaa 13 tuqaa 7tti gadi bu’eera. Oomishaaleen ijoo jaha biyya alaatti ergaman, dhibbantaa 82 amma 386 kan bardheengaddaa caalu. Afriikaarraa Qamadii, Ruuzii, Buna, Baala Shaayeen Friikaarraa adda duree ta’uuf ccarraaqqiin taasifamaa jiru firii godhachaa akka jiru argineerra. Riifoormiin dinagdee Gooroo lammiilee jireenya gadi aanaa jiraatan irratti dhiibbaa akka hin uumne sagantaaleen deeggarsaa hojjetamuusaanii koreen hohii raawwachiisaa sakatta’eera. Xaa’oof birriin biiliyoona 62, Seeftiineetiif birriin biiliyoona 41 tuqaa 2, Boba’aaf birriin biiliyeena 60, dawaaf birriin biiliyoona 3 tuqaa 5, Zayita nyaataaf birriin biiliyoona 6 tuqaa , akkasumas mindaaf birriin biiliyoona 38 tuqaa 4 deeggarsi taasifameera. Baatii sagal darban qofa carraaleen hojii biyya alaa kuma 344 fi 790 fi carraaleen hojii biyya keessaa miiliyoona 3 ol uumamaniiru. #Oromiyaa #Tajaajila Odfuu Itiyoophiyaa #TOI#Badhaadhina

Ebla 18/2025(TOI)-Galma magaalaa Shaggar Ismaartii siitii taasisuu dhugoomsuu kan dandeesisu Roodmaappiin ismaarti siitii magaalaa shaggar kan waggoota soddomman dhufan hojiirra oolchuuf qopha'erratti mari'atameera. Waltajjiin marii kun magaalaa Bishooftuutti kan geggeeffame yoo ta'u hoggantoonni mootummaa naannoo Oromiyaa fi bulchiinsa magaalaa Shaggar akkasuma qooda fudhatoonni adda addaa irratti hirmaataniiru. Itti aanaan katiibaa fi qindeessaan kilaastara bulchiinsaa fi tajaajilaa Magaalaa Shaggar Obbo Gugsaa Dajanee waltajjicharratti, Magaalaan Shaggar yaadama magaalaa ammayyaa Ismaarti siitii qabachuun erga hundaa'ee waggaa lama ta’uu yaadachiisaniiru. Bulchiinsi magaalichaa galma magaalaa ismrtii siitii ijaaruu kana dhugoomsuuf hojechaa akka jiru himaniiru. Hojiiwwan kana keessaa yaadama magaalaa Ismaartii hundeesuu kana dhugoomsuuf Yuunivarsiitii Finfinnee waliin ta'uun bara darbe irraa eegaluun qorannoon roodmaappi ka'umsaa (baseline) qophaa'uu eeranii, qorannoo qophaa'eenis Magaalaan Shaggar sadarkaa maalirra akka jiru adda baafamuu himu. Qorannoon bu'uuraa kun dhimmoota danuu of keessatti kan hammate ta'uu eeranii; kanuma bu'uurefachuun roodmaapiin Ismaarti siitii magaalaa Shaggar kan waggaa 30 qophaa'uu himiiru. Roodmaapiin kunis walta'insa bulchiinsa magaalaa Shaggarii fi Yuuniivarsiitii Finfinneen qophaa'uus eeraniiru. Itti gaafatamaan Waajjira Paartii Badhaadhinaa Magaalaa Shaggar Obbo Alamaayyoo Tulluu gamasaaniin, Magaalaan Shaggar magaalaa gaaffii dinagdee fi hawaasummaa uummataa deebisuuf hundeeffame ta'uu waltajjii kanarratti eeraniiru. Kanaaf karaa waaraa ta'een magaalaa dorgomaa fi dingdee uummataa madaaluu uumuuf roodmaappii sirri mul'ata magaalichaa dhugoomsu qopheesuun ittiin hogganamuuf yaadamee roodmapiin istmarti siitii Shaggar qophaa'uu himaniiru. Roodmaapiin kun har'a magaalaan Shaggar maal qabdi maal hin qabdu kan jedhu qorannoon kan of keessatti hammate qabu ta'u ibsaniiru. Roodmapiin kun karooraa waggaa 10 bulchiinsa magaalichaa, galma hundeeffama magaalichaa fi kanneen biroo bu'uureffachuun qophaa'uus himniiru. Wixinee roodmaappii qophaa'e kunis kallattii sirrii akka akeekuuf yaanni hirmaatota marichaa irra argames kan caalaatti gabbisudha jedhaniiru.

Ebla 18/2017(TOI)-Guyyaan paayileetota idila Addunyaa (World Pilots’ Day) har’a kabajamaa jira. Odeeffannoo daandiin qilleensaa Itiyophiyaa fuula miidiyaa hawaasaan dabarseen guyyaa har’aa daandiin qilleensichaa fakkeenya milkaa’oo fi gotummaa paayileetotaaf guyya itti kabaja kenninudha jedhaniiru. Paayileetonni dandeettii isaaniitiin, tattaaffii isaanii fi jabina isaaniin, Mul’ata Afriikaa gara Biyyoota Addunyaa adda addaatti qabatanii deemuun , aadaa,biyyoota, waltti fiduun gahee olaanaa bahaa jiru. Har’as barabaraanis ni kabajna jechuun daandiin qilleensichaa ergaa dabarseen ibseera.